13. maí. 2010 Birtíngur kveður Suðurland og opið hús á Vor í Árborg Leikritið Birtíngur sem Leikfélag Selfoss sýndi í vetur, heldur nú brátt í víking og ferðast norður yfir heiðar á NEATA-leiklistarhátíðina sem haldin verður á Akureyri 10. – 15. ágúst næstkomandi. Áður en Birtíngur kveður Suðurland fyrir fullt og allt munu þó verða sýndar tvær fjáröflunarsýningar í Litla leikhúsinu við Sigtún á hátíðinni Vor í Árborg til að safna fyrir ferðina norður.
Sýningarnar verða föstudaginn 14. maí og sunnudaginn 16. maí og hefjast báðar kl. 20:00. Stytta þurfti sýninguna um klukkutíma fyrir ferðina og hefur leikhópurinn æft þær breytingar undanfarna daga. Æfingarnar hafa gengið vel og er sýningin þéttari og skemmtilegri og boðskapurinn er að sjálf sögðu enn á sínum stað.
NEATA-leiklistarhátíðin er hátíð áhugaleikfélaga á Norðulöndunum og Eystrasaltslöndunum. Birtíngur var valinn úr hópi sýninga fyrir Íslands hönd ásamt tveimur öðrum íslenskum sýningum. Ferðin norður verður viðamikil enda er um 30 manna hópur með í för. Því var brugðið á það ráð að kveðja Suðurland með þessum hætti.
Aðgöngumiðar seljast með frjálsum framlögum en lágmarksverð verður þó 1000 kr. Aðgangseyrir rennur í ferðasjóð sem notaður verður til að kosta ferðalagið á þessa stórmerkilegu hátíð á Akureyri sem haldin verður í hinu glæsilega menningarhúsi Hofi. Miðapantanir eru í S: 4822787 og á leikfelagselfoss@gmail.com
Einnig verður opið hús hjá leikfélaginu á Vor í Árborg, laugardaginn 15. maí kl. 11:00 - 16:00. Gestu og gangandi bíðst þá að kíkja í heimsókn, kynna sér starf leikfélagsins, skoða myndir, fara baksviðs og andlitsmáling verður fyrir krakkana. Hægt verður að fá stimpil í Gaman saman leiknum sem er í gangi á Vor í Árborg. Allir velkomnir. °
Hægt er að sjá myndir og nánari upplýsingar um Birtíng með því að smella á meira-hnappinn >> Meira27. apr. 2010 Aðalfundur leikfélagsins afstaðinn Aðalfundur Leikfélags Selfoss var haldinn síðasta vetrardag, 21. apríl í Litla leikhúsinu við Sigtún. Sigrún Sighvatsdóttir var endurkjörin formaður auk þess sem F. Elli Hafliðason og Svanhildur Karlsdóttir voru endurkjörin í aðalstjórn og urðu því engar breytingar á aðalstjórninni. Gerður Halldóra Sigurðardóttir var endurkjörin í varastjórn en Sigríður Hafsteinsdóttir og Hanna Sigríður Benediktsdóttir voru kosnar auk hennar í varastjórnina, báðar í fyrsta sinn. Tveir meðlimir varastjórnar gáfu ekki kost á sér áfram.
13 nýjir félagar gengu í leikfélagið og er það með allra mesta móti, er leikfélagið stolt af þeim mikla áhuga sem því er sýnt, enda fengu nýliðarnir dynjandi lófaklapp frá fundargestum.
Nokkrar lagabreytingar voru gerðar á fundinum og þónokkrar breytingar voru gerðar á skipuriti félagsins, en það er viðmiðunarskjal stjórnar um skipulag innan félagsins. Að öðru leiti gekk fundurinn fyrir sig á hefðbundinn hátt.
Ný stjórn skipti með sér verkum á fyrsta fundi 26. apríl og er hún eftirfarandi:
Sigrún Sighvatsdóttir - Formaður
F. Elli Hafliðason - Varaformaður
Íris Árný Magnúsdóttir - Ritari
Svanhildur Karlsdóttir - Gjaldkeri
Stefán Ólafsson - Meðstjórnandi
Varastjórn:
Gerður Halldóra Sigurðardóttir
Sigríður Hafsteinsdóttir
Hanna Sigríður Benediktsdóttir >> Meira18. apr. 2010 Aðalfundur Leikfélags Selfoss Senn líður að aðalfundi en eins og áður hefur komið fram verður hann haldinn miðvikudaginn 21. apríl, síðasta vetrardag, kl. 20:30 í Litla leikhúsinu við Sigtún. Fundurinn verður með hefðbundnu sniði en sérstaklega bendum við á að nýir félagar eru formlega teknir inn í félagið á aðalfundi auk þess sem áhugasamir geta boðið sig fram í stjórn. Einnig verður kynnt það sem er framundan á næstunni hjá leikfélaginu. Kaffi og djús á könnunni, heimilisleg og létt stemning og allir velkomnir.
Lagðar verða fram nokkrar laga- og skipuritsbreytingar. Við hvetjum alla til að kynna sér þær og undirbúa fyrirspurnir eða breytingartillögur fyrir fundinn ef þið hafið hug á því, til að fundurinn gangi vel og dragist ekki langt fram eftir kvöldi. Tillögurnar má sjá hér að neðan með því að smella á [dobbulgaesalappir]meira[dobbulgaesalappir]
>> Meira7. apr. 2010 Síðustu sýningar á Birtíngi Nú fara í hönd lokasýningar á Birtíngi hjá Leikfélagi Selfoss, sem hefur fengið frábæra dóma bæði hjá gagnrýnendum og áhorfendum. Falleg og skemmtileg sýning sem þú mátt ekki láta fram hjá þér fara.
ATH! Síðustu sýningar:
Sunnudaginn 11. apríl kl. 20:00 Sæti laus
fimmtudaginn 15. apríl kl. 20:00 Sæti laus
Föstudaginn 16. apríl kl. 20:30 Sæti laus
LOKASÝNING laugardaginn 17. apríl UPPSELT
Hægt er að panta miða í síma 482-2787 eftir kl. 17 eða með því að senda tölvupóst á leikfelagselfoss@gmail.com.
nánar með því að smella á meira >> Meira1. apr. 2010 Aðalfundur Leikfélagsins Aðalfundur Leikfélags Selfoss 2010 verður haldinn miðvikudaginn 21. apríl næstkomandi í Litla leikhúsinu við Sigtún kl. 20:30. Viðhöfð verða venjuleg aðalfundarstörf, m.a. stjórnarkjör, inntaka nýrra félaga og starfið framundan kynnt. Aðalfundir LS eru heimilislegir og í flesta staði léttir og skemmtilegir. Allir eru velkomnir.
Sérstaklega er vakin athygli á því að nýir félagar geta gengið formlega í félagið á aðalfundi. Einnig er vakin athygli áhugasamra á því að skuldlausir félagar geta boðið sig fram í stjórn á aðalfundi. Auk þess er fundarmönnum frjálst að koma með erindi og fyrirspurnir fyrir fundinn í liðnum önnur mál.
Tillögur til lagabreytinga má leggja fyrir aðalfund, en þær þurfa að berast til stjórnar eigi síðar en 2 vikum fyrir aðalfund, skriflega eða í tölvupósti. Lögin má sjá á heimasíðu félagsins og breytingartillögur verða auglýstar þar fyrir aðalfund.
Að lokum minnum við á heimasíðuna, www.leikfelagselfoss.is og tölvupóstinn, leikfelagselfoss@gmail.com en þar er hægt að skrá sig á póstlista og fá ýmsar tilkynningar um starf félagsins.
Stjórn Leikfélags Selfoss
Vegna tæknilegra örðugleika eru lög og skipurit félagsins ekki kominn inn á vefinn, en hægt er að sjá þau með því að smella á [dobbulgaesalappir]meira[dobbulgaesalappir] hér fyrir neðan >> Meira10. mar. 2010 Komið að sjá Birtíng! Fallega og skemmtilega sýningin okkar, Birtíngur, er enn sýnd í Litla leikhúsinu við Sigtún:
föstudagur 12. mars
sunnudagur 14. mars
föstudagur 19. mars
sunnudagur 21. mars
Allar sýningar hefjast klukkan 20:30
Ekki láta þetta framhjá þér fara!
Miðapantanir í s: 4822787 eftir kl. 17:00 og á netfanginu leikfelagselfoss@gmail.com
Nánar má lesa um leikritið með því að smella á meira-hnappinn
>> Meira
|
